Elon Musk ka pohuar se robotët e tij humanoidë mund të zhvillojnë personalitete unike dhe madje të bëhen miq me njerëzit. Personi më i pasur në Tokë ka zbuluar planet për Tesla Bot-in e tij që më në fund mund të shohë njerëzit që jetojnë së bashku me robotët si shoqërues. Duke folur në podcast të Lex Fridman, pronari i Tesla dhe CEO i SpaceX tha se robotët e tij një ditë mund të miqësohen me njerëzit.

Musk tha se ato mund të përdoren për “punë të përsëritur dhe të mërzitshme” që mund të rezultojë në lëndime njerëzore. Ai hezitoi të thoshte se njerëzit do të ishin në krye si “pronarë” dhe tha se ndihej gabim ta thoshte këtë, por tha se robotët mund të bënin “shokun e përsosur”. Fridman, drejtuesi i podcast-it, është një shkencëtar që studion ndërveprimet njeri-robot dhe ra dakord që shpikjet e Musk mund të luftojnë vetminë.

Androidi humanoid do të ishte i gjatë 5 këmbë 8 inç dhe do të peshonte 56.6 kg. Musk i quajti robotët Optimus subprime dhe zbuloi planet për të filluar ndërtimin e Tesla Bot vitin e ardhshëm.Në diskutimin e gjerë me Fridman mbi temat e teknologjisë dhe të së ardhmes, ai tha se fokusi aktual i Teslës ishin energjitë e rinovueshme, por se në të ardhmen Tesla Bots mund të tejkalojnë makinat e tyre.