TV LIVE
Teknologji
18 November 2026
GTA 6 lansohet në Zelandën e Re, lojtarët e parë kanë nisur “aventurën e re”

Loja shumë e pritur Grand Theft Auto VI (GTA 6) është tashmë e disponueshme në Zelandën e Re, ku lojtarët kanë nisur të eksplorojnë botën virtuale të saj.

Rockstar Games ka zgjedhur një lansim gradual, sipas zonave kohore, duke bërë që Zelanda e Re të jetë ndër vendet e para ku loja është bërë e qasshme.

Kështu, sipas mediave të huaja, përcjell Telegrafi, lojtarët në këtë vend mund ta luajnë GTA 6 në platformat PlayStation 5 dhe Xbox Series X|S.

Në SHBA dhe vende të tjera në botë, lansimi digjital është planifikuar për mesnatën e 19 nëntorit, sipas kohës lokale.

Ndërkohë, disa lojtarë në rajone të ndryshme thuhet se po provojnë një truk për ta aktivizuar lojën më herët, duke ndryshuar rajonin e konsolës së tyre Xbox në Zelandën e Re.

Megjithatë, Rockstar dhe Microsoft nuk kanë konfirmuar nëse kjo metodë funksionon.

Për momentin, nuk ka një datë zyrtare për lansimin e GTA 6 në kompjuterë (PC).

Raportimet për një lansim të mundshëm në periudhën janar-mars 2027 mbeten të pakonfirmuara nga Rockstar Games.

Kujtojmë se GTA VI ka gjeneruar mbi 1,5 miliard dollarë (rreth 1.35 miliard euro) ende pa u luajtur nga askush. përcjell  Zhurnal.mk .



Të ndryshme
Më shumë