Modelja e njohur, Candice Swanepoel, është fotografuar në Miami të mërkurën, teksa po shkonte në stërvitje.

38-vjeçarja tregoi linjat e saj trupore dhe muskujt e tonifikuar të barkut, e veshur me një kombinim sportiv tërësisht të zi.

Engjëlli i Victoria’s Secret kishte zgjedhur një bluzë të shkurtër dhe geta sportive, të kombinuara me çorape nga Alo.

Ajo i kishte mbledhur flokët bisht dhe kishte plotësuar pamjen me syze dielli, ndërsa me vete mbante një shishe uji dhe një çantë të zezë.

Dalja e modeles vjen në një periudhë kur emri i saj po lidhet gjithnjë e më shumë me atë të ish-yllit të NFL-së, Tom Brady.

Sipas raportimeve të mediave amerikane, dyshja dyshohet se po frekuentohet, megjithëse asnjëri nuk e ka konfirmuar publikisht romancën.

Së fundmi, Brady publikoi në Instagram një mesazh për fillimin e një kapitulli të ri në jetën e tij, duke nxitur spekulime se mund t’i referohej edhe lidhjes së përfolur me Swanepoel.

Modelja nga Afrika e Jugut vazhdon të jetë një nga emrat e njohur të industrisë së modës dhe së fundmi mori pjesë edhe në galën LACMA Art+Film. përcjell  Zhurnal.mk .