Nicolo Tresoldi përjetoi një natë të veçantë në Champions League, duke shënuar tre gola ndaj Interit me fanellën e Club Brugge.

Por kjo përballje kishte një domethënie edhe më të madhe për sulmuesin, i cili është rritur si tifoz i Milanit.

Para ndeshjes, Tresoldi kishte pranuar se për të kjo sfidë do të ndihej si një derbi.

I rritur duke mbështetur kuqezinjtë, ai ka pasur si një prej idhujve të tij të futbollit legjendën e Milanit, Filippo Inzaghi.

Dhe fati i rezervoi një skenar të veçantë: përballë rivalit të përjetshëm të skuadrës që ka mbështetur që fëmijë, Tresoldi shkëlqeu me një tregolësh, duke rrëmbyer edhe çmimin e “Lojtarit të Ndeshjes”.

Për një tifoz të Milanit, të përballesh me Interin në skenën më të madhe evropiane dhe të bëhesh protagonisti absolut i mbrëmjes është diçka që vështirë të harrohet.

Një natë ëndrrash për Tresoldin, një hattrick për t’u mbajtur mend dhe një derbi me domethënie të veçantë për tifozin kuqezi!