Një spektakël mbresëlënës u regjistrua në Itali, ku një pjesë e një ure të madhe rrugore u shemb me anë të një shpërthimi të kontrolluar, në kuadër të projekteve për rindërtimin dhe përforcimin e infrastrukturës.

Operacioni u zhvillua në Viaduktin Tevere, pranë qytetit të Viterbos. Inxhinierët vendosën eksplozivë në pika të përzgjedhura të strukturës, për të realizuar shembjen e kontrolluar të një pjese të urës.

https://x.com/repubblica/status/2109605015463608818?ref_src=twsrc%5Etfw%7Ctwcamp%5Etweetembed%7Ctwterm%5E2109605015463608818%7Ctwgr%5E94e10ae8977d935696d08c81f4c18f4015f8d71a%7Ctwcon%5Es1_c10&ref_url=https%3A%2F%2Fwww.balkanweb.com%2Fzgjat-vetem-pak-sekonda-shembet-me-shperthim-te-kontrolluar-nje-ure-ne-itali-video%2F

Brenda pak sekondash, 13 nga 33 hapësirat e urës u shembën, duke krijuar një re të madhe pluhuri. Operacioni u filmua dhe pamjet tregojnë momentin kur struktura rrëzohet pas shpërthimit.

Shembja është pjesë e ndërhyrjeve të planifikuara për përmirësimin dhe përforcimin e infrastrukturës rrugore në zonë.