Presidenti francez, Emmanuel Macron, është i sigurt pas raportimeve për shpërthime që ndodhën të martën në mëngjes në qendër të Damaskut, njoftoi Pallati Elize.
Macron ndodhet në kryeqytetin sirian për bisedime me presidentin sirian, Ahmad al-Sharaa, në pallatin presidencial.
Një burim i sigurisë i tha BBC-së se shpërthimet u shkaktuan nga dy mjete shpërthyese dhe se disa persona kanë mbetur të plagosur.
Pas vizitës në Siri, Macron pritet të udhëtojë drejt Turqisë për të marrë pjesë në samitin e NATO-s. Sipas Pallatit Elize, vizita e tij vazhdon sipas planit.
Pas raportimeve për shpërthimet, në rrjetet sociale u publikuan video dhe fotografi që tregonin tym të dendur dhe flakë nga një automjet pranë një hoteli në Damask.
Në të njëjtën kohë, televizioni shtetëror sirian njoftoi se Ahmad al-Sharaa e kishte pritur Macronin në pallatin presidencial.
Zyrtarët francezë thanë se presidenti Macron nuk i dëgjoi shpërthimet, pasi në atë moment ishte rrugës për në takimin me homologun e tij sirian.
