Sekretari organizativ i Bashkimit Demokratik për Integrim (BDI), Nebi Rexhepi, akuzoi Qeverinë se gjatë dy viteve të fundit ka bllokuar dhe vonuar zbatimin e projekteve strategjike infrastrukturore, përfshirë Korridorin 8 dhe autostradën Shkup–Bllacë.
Në një deklaratë për media, Rexhepi tha se këto projekte janë siguruar, financuar dhe nisur gjatë periudhës kur BDI-ja ishte pjesë e Qeverisë, ndërsa sipas tij, ekzekutivi aktual është përpjekur t’i ndalë ato.