Një person ka vdekur pasi dy trena mallrash u përplasën në një urë në Mynih në orët e para të së shtunës, duke bërë që dy prej vagonëve të dalin nga shinat dhe të përplasen në rrugën poshtë, sipas policisë lokale.

Shkaku i incidentit është nën hetim, tha për Reuters një zëdhënës i policisë në qytetin jugor gjerman, raporton Reuters.

Shërbimet e emergjencës u njoftuan për përplasjen në lagjen veriore të Mynihut, Milbertshofen, në orën 1:40 të mëngjesit (23:40 GMT të premten), me rreth 60 ekipe të ndihmës së shpejtë të dërguara në vendngjarje, tha një zëdhënës i departamentit të zjarrfikësve.