Një aksident i rëndë ka ndodhur në autostradën Kërçovë-Ohër ,ku një veturë ka goditur një person i cili ishte duke punuar në autostradë.
Një shofer nga Struga goditi një 46-vjeçar L.J. nga Kina i cili po punonte në autostradën Kërçovë-Ohër dhe e plagosi rëndë. Shoferi gjithashtu mbeti i plagosur.
Aksidenti ndodhi dje në mëngjes, kur shoferi, duke drejtuar një Mercedes, humbi kontrollin e automjetit, goditi një pusetë dhe më pas punëtorin nga Kina.
“Më 15.06.2026 në orën 07:55, SPB Ohër njoftoi se në autostradën Ohër-Kërçovë në fazën e ndërtimit, në afërsi të fshatit Orovnik, komuna Debarcë, K.Sh. (32) nga fshati Koroshishtë, Strugë, duke drejtuar një automjet pasagjerësh Mercedes me targa të Strugës, humbi kontrollin e automjetit dhe u përplas në një pusetë, dhe më pas në L.J. (46) nga Republika Popullore e Kinës, me banim në fshatin Izvor, i cili po kryente detyra pune në autostradë”, njoftoi Ministria e Brendshme.
Në aksident është lënduar rëndë L.J., ndërsa lëndime trupore ka pësuar edhe shoferi i automjetit të pasagjerëve, të cilat janë konfirmuar në Spitalin Special “Shën Erazmus” në Ohër.
Me urdhër të prokurorit publik, shoferi K.Sh. është privuar nga liria, ndërsa një ekip inspektimi i SPB Ohër ka kryer inspektim. Pas dokumentimit të plotë të rastit, do të pasojë denoncim përkatës.