Aeroporti Ndërkombëtar Imam Khomeini në Teheran ka rifilluar disa fluturime ndërkombëtare, pas një periudhe të gjatë pezullimi për shkak të tensioneve dhe konfliktit në rajon.

Sipas mediave iraniane, fluturimet e para janë drejtuar drejt qyteteve të ndryshme në Lindja e Mesme, përfshirë Medina, Muscat dhe Stamboll.

Hapësira ajrore e Iranit kishte mbetur kryesisht e mbyllur që prej fillimit të përplasjes me SHBA dhe Izrael më 28 shkurt, duke pezulluar fluturimet për gati dy muaj. Rihapja e pjesshme e aeroportit shihet si një hap i kujdesshëm drejt normalizimit të lëvizjeve ajrore, në një kohë kur situata rajonale mbetet ende e tensionuar.

Sipas raportimeve, më herët është arritur një armëpushim i kushtëzuar mes palëve, i ndërmjetësuar në mënyrë diplomatike, ndërsa negociatat për zgjidhje afatgjata vazhdojnë.