Një episod i rrallë dhe i veçantë ka ndodhur gjatë sfidës mes Manchester City dhe Real Madrid në UEFA Champions League.
Në minutën e 69-të, Brahim Diaz u zëvendësua për t’i lënë vendin Kylian Mbappé, në një moment kur madrilenët ishin pranë kualifikimit për në çerekfinale, falë barazimit 1-1 dhe fitores 3-0 në ndeshjen e parë në “Bernabéu”.
Teksa u ul në pankinë, Diaz u përball me një lajm të papritur që i ndryshoi menjëherë humorin: Maroku ishte shpallur fituese e Kupës së Afrikës në tavolinë, pas vendimit të Konfederatës së Afrikës për të pranuar ankesën ndaj Senegalit.
Fillimisht i habitur, mesfushori i Realit reagoi me mosbesim, duke pyetur “vërtet?”, përpara se të shpërthente në festë me gjeste gëzimi. Pamjet e reagimit të tij u bënë menjëherë virale në rrjetet sociale.
Pas përfundimit të ndeshjes, Diaz festoi sërish në fushë, duke shtuar një trofe të papritur në karrierën e tij, në një mënyrë krejtësisht të pazakontë.
