Konflikti i armatosur në Lindjen e Mesme është futur sot në ditën e pestë që nga sulmi i parë i Izraelit dhe SHBA-së ndaj Iranit.

Gjatë natës Tel Avivi u shënjestrua 3 herë nga raketat balistike iraniane. Sulmet nga Teherani nuk munguan as në Jerusalem.

Ndërkohë numri i viktimave nga anija e fundosur iraniane afër brigjeve të Sri Lankës ka shkuar në 87, ndërsa 61 persona janë ende të zhdukur.

Sakaq pas sulmit me dron në bazën britanike RAF në Qipro, autoritetet vendase kanë rritur ndjeshëm masat mbrojtëse në rast të një sulmi tjetër nga Teherani.

Përditësime live, 5 mars 2026

12:46 Përse Irani goditi bazën e RAF në Qipro? The Sun: Kishte armë amerikane “top secret”

Droni iranian që goditi një bazë të ushtrisë britanike në Qipro, shënjestroi në fakt hangarin e saj të përdorur nga avionë amerikane mbikëqyrjeje me kodin “Top Secret”, shkruan The Sun.

Sekretari britanik i Mbrojtjes, John Healey, deklaroi se dëmet e shkaktuara nga sulmi ndaj bazës në Akrotiri ishin “minimale”. Por një fotografi e siguruar nga The Sun tregon shkatërrimin e një pjese të hangarit që strehonte avionët amerikanë U-2.

12:31 Sulmet ajrore godasin kufirin Iran-Irak/ Mbështetja e forcave kurde do hapë një fole grerëzash, ekspertët paralajmërojnë për luftë civile

Valë të forta sulmesh ajrore kanë goditur dhjetëra pozicione ushtarake, poste kufitare dhe stacione policie përgjatë pjesëve veriore të kufirit Iran-Irak, në atë që duket të jetë një përgatitje e SHBA-së dhe Izraelit për një front të ri në konfliktin me Iranin.

12:21 “Njerëzit janë të frikësuar dhe të zhgënjyer”/ Sulmi me dronë në bazën e RAF, sekretari britanik i Mbrojtjes viziton Qipron për të zbutur tensionet diplomatike

Sekretari britanik i Mbrojtjes, John Healey, udhëtoi drejt Qipros për të zbutur tensionet diplomatike pas një sulmi me dron që goditi bazën e RAF në Akrotiri.

Sipas autoriteteve britanike, droni, një model i lirë iranian i tipit Shahed, arriti të shmangte mbrojtjen duke fluturuar ngadalë dhe afër tokës. Mendohet se ai është lëshuar nga një milici pro-iraniane në Liban ose Irakun Perëndimor. Megjithatë, hetimet nuk kanë konfirmuar ende vendin e saktë të nisjes.

10:09 Bllokada e Hormuzit rrezikon krizë ushqimore globale, paralajmërojnë analistët: Mund të rriten çmimet e bukës, makaronave dhe produkteve të tjera bazë

Bllokada e Ngushticës së Hormuzit nga Irani po rrezikon të shkaktojë një tronditje të re në tregjet globale të ushqimit, pasi po ndërpritet transporti i lëndëve të para për prodhimin e plehrave.

09:59 Konflikti i armatosur në Lindjen e Mesme, dronët iranianë godasin një aeroport në Azerbajxhan

Dronët iranianë kanë rënë në Nakhiçevanit, të Azerbajxhanit, mediat lokale se është goditur aeroporti i rajonit në një veprim që zgjeron më tej gamën e vendeve që janë sulmuar nga Teherani.

09:53 VIDEO/ Sulm çdo 40 minuta, Tel Avivi goditet 3 herë gjatë natës nga Irani, TCH siguron pamjet nga momenti kur raketat shkatërrohen në ajër nga Izraeli

Tel Avivi u sulmua tre herë me raketa balistike nga Irani gjatë natës. Siç raporton korrespondenti i Top Channel, Artur Bibe kryeqyteti izraelit u shënjestrua 3 herë nga raketat iraniane.

09:45 Italia do të dërgojë ndihmë në vendet e Gjirit pas sulmeve iraniane, Meloni: Duhet të mbrojmë njerëzit tanë

Italia planifikon të dërgojë ndihmë për mbrojtjen ajrore në vendet e Gjirit Persik, pas përshkallëzimit të tensioneve dhe sulmeve ajrore iraniane në rajon.

09:32 “Ngushtica e Hormuzit, e mbyllur vetëm për anijet nga SHBA-ja, Izraeli dhe Evropa”, Irani paralajmëron: Do të goditen nëse kalojnë

Garda Revolucionare e Iranit deklaroi të enjten se Ngushtica e Hormuzit është e mbyllur për anijet që i përkasin Shteteve të Bashkuara, Izraelit, vendeve evropiane dhe aleatëve të tyre.

08:49 Lufta në Lindjen e Mesme, Irani sulmon tankerin amerikan të naftës

Ndërsa Izraeli bombardon Teheranin për të gjashtën ditë radhazi, Irani nisi gjithashtu valën e vet të sulmeve kundër Izraelit dhe objektivave amerikane.

Korpusi i Gardës Revolucionare Islamike tha këtë mëngjes se vala e 19-të e operacionit “Premtimi i Vërtetë 4” kishte filluar me një sulm të kombinuar me raketa dhe dronë kundër pozicioneve amerikane dhe izraelite në rajon, sipas transmetuesit shtetëror Press TV.

08:37 Kërcënimet ndaj bazës britanike në Qipro, autoritetet rrisin masat mbrojtëse në rast të një sulmi tjetër nga Irani

Përgatitjet e autoriteteve qipriote po rriten dita-ditës për sa i përket gatishmërisë operacionale, pasi zbulimi i djeshëm i objekteve të dyshimta si herët në mëngjes ashtu edhe pak para mesnatës rezultoi jo vetëm në ngritjen e dy prej katër avionëve luftarakë grekë të stacionuar në ishull për të kryer operacione zbulimi, por edhe në përmirësimin e masave për mbrojtjen e ishullit, e cila vazhdon me një ritëm intensiv.

08:11 Lufta në Lindjen e Mesme/ Shpërthime në Jerusalem pas sulmeve iraniane, ushtria izraelite: Kemi shkatërruar rreth 300 raketahedhës që nga fillimi i konfliktit

Shpërthime u dëgjuan në Jerusalem këtë mëngjes pas një serie të re lëshimesh raketash nga Irani, ndërsa shërbimet izraelite të emergjencës thanë se deri më tani nuk ka pasur viktima.

Ndërkohë ushtria pretendon se ka shkatërruar rreth 300 raketahedhës në Iran që nga fillimi i luftës të shtunën.

08:01 Raketa iraniane drejt Turqisë, reagojnë forcat e Teheranit: Nuk kishte synim tokën turke

Forcat e armatosura të Iranit lëshuan një deklaratë sot në mëngjes duke mohuar se kishin qëlluar një raketë balistike drejt Turqisë ditën e djeshme.

“Ne e respektojmë integritetin territorial të Turqisë, është një vend mik dhe fqinj”, thotë deklarata, që erdhi pothuajse 24 orë pas raportimeve se një raketë iraniane ishte qëlluar në bazën ushtarake Incirlik në Turqi dhe ishte rrëzuar nga NATO.

07:48 Fundosja e anijes iraniane nga nëndetëset amerikane afër Sri Lankës, shkon në 87 numri i viktimave, 61 persona ende të zhdukur
Fundosja e fregatës iraniane Iris Dena në Oqeanin Indian, ka shkaktuar 87 të vdekur dhe 61 të zhdukur.

Sulmi, i cili ndodhi në ujërat ndërkombëtare pranë brigjeve të Sri Lankës, e lë Iranin përballë humbjes së një anijeje të madhe detare.