Të dhënat më të fundit analitike për vitin 2026 tregojnë qartë dy realitete të forta të internetit global: dominimin absolut të Google dhe ngritjen e inteligjencës artificiale si pjesë e përditshme e jetës digjitale.
Me një shifër marramendëse prej 94.8 miliardë vizitash në muaj, Google vazhdon të jetë faqja më e vizituar në botë, duke lënë shumë prapa çdo konkurrent të mundshëm.
Në vendin e dytë renditet YouTube me 49.7 miliardë vizita mujore, duke konfirmuar fuqinë e përmbajtjes video në ekosistemin digjital global.
Zhvillimi më i rëndësishëm i këtij viti është padyshim ngritja e ChatGPT, platforma e zhvilluar nga OpenAI.
Me 5.5 miliardë vizita mujore, ChatGPT renditet tashmë në vendin e pestë globalisht, duke lënë pas platforma të konsoliduara si:
Kjo rritje tregon një ndryshim të madh në mënyrën si përdoruesit kërkojnë informacion: më pak “gërmime” në forume dhe më shumë përgjigje të drejtpërdrejta nga inteligjenca artificiale.
Pavarësisht debatit për rënien e përdorimit nga të rinjtë, Facebook mban vendin e tretë me 9.5 miliardë vizita mujore, ndërsa Instagram renditet i katërti me 6.1 miliardë.
Në listën e 10 më të vizituarave përfshihen edhe WhatsApp (2.7 miliardë).
Ndërkohë, prania kineze në internetin global po bëhet gjithnjë e më e dukshme. TikTok dhe Temu janë pjesë e 20 faqeve më të vizituara në botë, duke konfirmuar fuqinë e marketingut agresiv dhe çmimeve konkurruese në tregun global.
Sipas analizës, 10 faqet kryesore së bashku gjenerojnë më shumë trafik sesa të gjitha domenet e tjera në internet të marra së bashku.
Lista dominohet nga kompani amerikane, por rritja e platformave kineze dhe fuqizimi i inteligjencës artificiale sugjerojnë një transformim të thellë të mënyrës si konsumojmë informacion dhe komunikojmë online.
Interneti i vitit 2026 duket më i centralizuar se kurrë – por edhe më i orientuar drejt përgjigjeve të menjëhershme dhe përvojave të personalizuara.
Flaka
