Sot mbushen 4 vite nga nisja e sulmeve ruse mbi Ukrainë, në atë që fillimisht u konsiderua si operacion special nga ana e Moskës.

Lufta në Ukrainë ka shënuar konfliktin më të madh në Evropë që nga Lufta e Dytë Botërore, duke shkaktuar pasoja të rënda humanitare, humbje të mëdha në njerëz dhe një riformësim të arkitekturës së sigurisë në kontinent.

Përpjekjet diplomatike të ndërmjetësuara nga Shtetet e Bashkuara, si pjesë e iniciativës së administratës së Donald Trump, kanë sjellë në tryezë delegacione nga Moska dhe Kievi. Megjithatë, çështje kyçe si statusi i territoreve të pushtuara dhe garancitë e sigurisë për Ukrainën pas luftës vazhdojnë të pengojnë çdo marrëveshje.

Recently Spotted Asteroid Set for Near Miss With EarthKeep Watching

Sipas një raporti të fundit nga Qendra për Studime Strategjike dhe Ndërkombëtare (CSIS), numri i përgjithshëm i ushtarëve të vrarë, plagosur ose zhdukur nga të dyja palët mund të arrijë deri në 1.8 milionë.

Raporti vlerëson se Rusia ka pësuar rreth 1.2 milion viktima, përfshirë deri në 325,000 të vrarë – shifra që konsiderohen si humbjet më të mëdha për një fuqi të madhe që nga Lufta e Dytë Botërore. Moska nuk ka publikuar të dhëna të përditësuara mbi humbjet që nga janari 2023.

Nga ana tjetër, Ukraina mund të ketë pësuar midis 500,000 dhe 600,000 viktima ushtarake, përfshirë deri në 140,000 të vrarë. Presidenti ukrainas Volodymyr Zelenskyy ka deklaruar së fundmi se 55,000 trupa ukrainase kanë humbur jetën, ndërsa shumë të tjerë konsiderohen të zhdukur. Verifikimi i pavarur i këtyre shifrave mbetet i pamundur.

Viktimat civile: Mijëra të vrarë, përfshirë qindra fëmijë

Sipas Misioni i Monitorimit të të Drejtave të Njeriut i Kombeve të Bashkuara, të paktën 14,999 civilë janë vrarë që nga fillimi i pushtimit në shkallë të plotë. Mbi 40,600 të tjerë janë plagosur.
Ndër viktimat janë të paktën 763 fëmijë. Viti 2025 rezultoi më vdekjeprurësi për civilët që nga viti 2022, me 2,514 të vrarë dhe 12,142 të plagosur – një rritje prej 31% krahasuar me vitin paraprak.

Sipas Instituti për Studimin e Luftës, Rusia aktualisht kontrollon rreth 19.4% të territorit të Ukrainës. Gjatë vitit të kaluar, forcat ruse kanë fituar vetëm 0.79% territor shtesë, duke reflektuar një luftë të ngadaltë dhe rraskapitëse.
Para pushtimit të plotë më 2022, Rusia kontrollonte rreth 7% të territorit ukrainas, përfshirë gadishullin e Krimesë dhe pjesë të rajoneve lindore.