Ambasadori amerikan në OKB, Mike Waltz, tërhoqi vëmendje gjatë një vizite zyrtare në Gjenevë, ku mori pjesë në një stërvitje fizike me Detashmentin e Sigurisë së Marinës që shërben në misionin amerikan.
I veshur me kostum dhe kravatë, ai u ul në dysheme pranë marinsave dhe realizoi pompat me të njëjtin ritëm si ata, pa u ndalur. Në videon e publikuar, Waltz dëgjohet duke u dhënë ritëm dhe duke i inkurajuar ushtarët gjatë ushtrimeve nën dritat e sallës.
Në përfundim të stërvitjes ai deklaroi “gati për detyrë”, ndërsa festoi me personelin ushtarak, duke theksuar se gatishmëria operacionale fillon me lidershipin.
Aktiviteti u zhvillua në kuadër të vizitës së tij te kontingjenti amerikan në Gjenevë, i cili ka përgjegjësinë për sigurimin e interesave të Shtetet e Bashkuara gjatë negociatave ndërkombëtare për tregtinë, armët dhe çështjet e të drejtave të njeriut. Sipas raportimeve, marinsat ruajnë standarde shumë të larta fizike, ndërsa ambasadori zgjodhi të marrë pjesë personalisht për të treguar mbështetje dhe shembull lidershipi.
