Presidenti ukrainas, Volodymyr Zelensky thotë se bisedimet e sotshme trepalëshe në Emiratet e Bashkuara Arabe do të përqendrohen në statusin e rajonit lindor të Donbasit të Ukrainës.

“Çështja e Donbasit është thelbësore. Do të diskutohet ashtu si do të diskutohet edhe mënyra se si e shohin të tre palët”, u tha ai gazetarëve nëpërmjet një mesazhi zanor.

Duke folur për bisedimet në Abu Dhabi, ku ai do të dërgojë një delegacion ukrainas, Zelensky tha: “Është një hap, shpresojmë drejt përfundimit të luftës, por gjëra të ndryshme mund të ndodhin”, raporton BBC.

Presidenti ukrainas thotë gjithashtu se diskutoi për Donbasin me Presidentin Trump dje në Davos.

Sipas tij, të dy presidentët gjithashtu “përfunduan garancitë e sigurisë” për Ukrainën dhe diskutuan raketat shtesë të mbrojtjes ajrore të nevojshme që Ukraina të kapë raketat balistike ruse.

“Shpresoj për një rezultat pozitiv,” shton ai.