Në beta-n e hershme të iOS 26 është zbuluar një listë e gjerë e pajisjeve dhe funksionaliteteve të Apple që ende nuk janë prezantuar, duke ofruar një pasqyrë të qartë të planeve të kompanisë për vitin 2026 dhe më tej.

Sipas MacRumors, Apple pritet të prezantojë produkte si AirTag 2, Studio Display 2, Apple TV i ri, HomePod mini 2, si dhe një “robot desktop” për përdorim shtëpiak me ekran iPad.

Në segmentin iPad, pritet një iPad i 12-të me procesor A19 dhe një iPad Air me M4 SoC. Tek iPhone-t, lista përfshin iPhone 17e, iPhone 18 Pro, iPhone 18 Pro Max, një iPhone të palosshëm dhe iPhone Air 2.

Tek Mac-ët, priten modele të reja MacBook me A18 Pro SoC, MacBook Pro me M5 Pro/Max dhe M6 Pro/Max, si dhe MacBook Air, Mac Studio dhe Mac mini me M5 chip.

Apple gjithashtu po planifikon risi në segmentin e pajisjeve të veshjes dhe realitetit të zgjeruar, duke përfshirë Vision Air headset, AR syze, version më të lirë të Vision Pro, Apple Watch 12 dhe Watch Ultra 4. Në beta janë zbuluar edhe kodet e reja të pajisjeve: U3, M5, M6, A20 dhe S11.