Champions League nuk zhgënjeu të martën ku u luajtën 9 përballjet e radhës në fazën e ligës, mes tyre dy super duele në Anfield e Parc de Princes.

Në njërën Liverpool dhe në tjetrën Bayern ishin fituesit në të ashtquajturat finale të parakohshme të ligës së kampionëve.

Në Angli, Liverpool mori një fitore të merituar përballë Realit të Madridit duke zhvilluar një ndër duelet më të kompletuara të sezonit edhe pse u shënua vetëm një gol me autor Mac Allister.

Të besuarit e Slot ishin dominues përgjatë gjithë takimit, por një meritë të padiskutueshme kishte portieri Courtois që ndali në shumë momente ofensivën britanike.

Në ndeshjen tjetër e cila prodhoi 3 gola po ashtu pati spektakël, por në fund kampionët janë në tapet dhe fitorja i shkon bavarezëve që regjistrojnë fitoren e 16-të radhazi këtë sezon.

Bayern fitoi ndaj PSG në Francë me dopietën e Luis Diaz ndërsa në pjesën e dytë PSG gjeti golin me Neves, por që nuk mjaftoi për të marrë pikë.

Rezultatet 04/11/25

Napoli 0 – 0 Eintracht Frankfurt

Slavia Praha 0 – 3 Arsenal

Atlético Madrid 3 – 1 Royale Union Saint-Gilloise

Bodø/Glimt 0 – 1 AS Monaco

Juventus 1 – 1 Sporting CP

Liverpool 1 – 0 Real Madrid

Olympiacos 1 – 1 PSV Eindhoven

PSG 1 – 2 FC Bayern München

Tottenham Hotspur 4 – 0 FC København

https://www.sofascore.com/tournament/football/europe/uefa-champions-league/7#id:76953