Pas shumë raportimeve nga portali TS, kryetari i Tetovës, Bilall Kasami, më në fund ka pranuar publikisht se ka marrë një donacion nga një biznesmen serb.

“Me akuzojnë pse kemi pranuar donacion nga një biznes i cili pronari qenka serb. Paratë në mandatet e kaluara kanë shkuar në xhepat e dikujt, ndërsa tani përmes këshillit janë futur si donacione për të realizuar projekte për Tetovën”, u shpreh Kasami mbrëmë në lagjen Migjeni.

Megjithatë, ai nuk tregoi se pse një biznesmen serb jep 800 mijë euro donacion, çka e lidh Tetovën me Serbinë dhe cili është qëllimi i këtij financimi. Kasami nuk e sqaroi këtë, por u përpoq t’i paraqesë paratë sikur janë donacione nga mërgimtarët.

Nga ana tjetër, Kosova ende i ka plagët e hapura nga masakrat e Serbisë, gratë e dhunuara ende derdhin lot, fëmijët ende qajnë për prindërit e vrarë. Për Kasamin, këto duket se nuk kanë rëndësi me rëndësi është që Tetova të pranojë 800 mijë euro nga Serbia.