Seanca e sotit për votimin e kandidates Albulena Haxhiu për kryeparlamentare është shtyrë për të premtën. Këtë e ka bërë të ditur udhëheqësi i seancës, Avni Dehari.

Ai ka deklaruar se seanca do të zhvillohet me 25 prill, duke filluar nga ora 10:00.

Ndryshe, edhe në tentativën e pestë, kandidatja Albulena Haxhiu nuk i ka marrë votat e mjaftueshme për t’u zgjedhur si kryetare e Kuvendit të Kosovës. Ajo edhe në përpjekjen e pestë mori 57 vota pro, 46 kundër dhe tri abstenime. Haxhiut iu nevojitet 61 vota total për zgjedhjen në post. Dhe prezent deputetë qenë 117.