Ylli i kinematografisë shqiptare, Margarita Xhepa ka ndërruar jetë në moshën 91-vjeçare.

Djali i saj, aktori Ndriçim Xhepa ka konfirmuar lajmin.

Sipas informacioneve, së fundmi ajo ka qenë e rënduar nga mushkëritë. Aktorja ndërroi jetë në një spital privat.

Ditën e djeshme, më 2 prill, Margarita Xhepa festonte ditëlindjen.

Aktorja është një nga figurat më të dashura të teatrit dhe filmit shqiptar. 

Zonja e madhe e skenës numëron mbi 150 role në teatër dhe 32 në kinematografi.

Margarita Xhepa mbetet në memorien e shqiptarëve në shumë filma si “Dimri i fundit”, “Koncert në vitin ‘36”, “Apasionata”, “Gjeneral Gramafoni”, etj.

Krahas titullit të lartë si “Nderi i Kombit”, gjerdani i kinemasë ka marrë vlerësim edhe në rolet e dramaturgjisë botërore.

Në vitin 2007 asaj iu dha “Çmimi i Karrierës” për rolin e Nadjezhnës në monodramën “Kënga e mjellmës” së Çehovit. Margarita Xhepës i është akorduar gjithashtu edhe titulli “Artiste e Popullit”.