Ministrja e Energjetikës, Minerave dhe Burimeve Minerale, Sanja Bozhinovska, mori pjesë në Seancën e dytë ndërqeveritare ndërmjet Qeverive të Maqedonisë së Veriut dhe Hungarisë, që u zhvillua në Budapest.
Bozhinovska pati një fjalim në takimin të përbashkët të qeverive të Maqedonisë dhe Hungarisë, duke theksuar rëndësinë e bashkëpunimit energjetik si faktor kyç për zhvillimin ekonomik dhe sigurinë energjetike.
Në prezantimin e saj, ministrja theksoi reformat që Maqedonia e Veriut po zbaton në sektorin e energjisë dhe potencialin për bashkëpunim me Hungarinë në fushën e burimeve të rinovueshme, modernizimin e infrastrukturës energjetike dhe risitë në efikasitetin e energjisë.
“Maqedonia e pranon të ardhmen me reforma të guximshme energjetike, përfshirë Ligjin e ri për energjinë nuk është vetëm një dokument teknik, por një mjet strategjik që do të tërheqë investime, do të rrisë pavarësinë e energjisë dhe do të përshpejtojë burimet e rinovueshme. Ne po punojmë intensivisht në zgjidhje për të tërhequr investime më të mëdha në sektorin energjetik, për të rritur pavarësinë energjetike të vendit tonë, për të përshpejtuar zhvillimin e burimeve të rinovueshme të energjisë dhe për të harmonizuar standardet tona energjetike me normat më të larta evropiane”, theksoi Bozhinovska.
Ministrja Bozhinovska theksoi avantazhin natyror të Maqedonisë me mbi 280 ditë me diell në vit, gjë që e bën vendin një qendër natyrore për energjinë diellore. Ministrja theksoi gjithashtu se dyert e Maqedonisë janë të hapura për investime, me një angazhim të vendosur për të krijuar një sistem energjetik që do të përfitojë të gjithë.
Ministrja vuri në dukje se ky partneritet me Hungarinë është një shembull se si bashkëpunimet strategjike mund të sjellin rezultate konkrete, nga përmirësimi i efikasitetit të energjisë deri te rritja e interkonektivitetit dhe zhvillimi i zgjidhjeve inovative të energjisë.
“Duke kombinuar vizionet, ekspertizën dhe burimet tona, ne mund të krijojmë sisteme energjitike më të qëndrueshme që do të sigurojnë një furnizim të besueshëm, të pastër dhe të përballueshëm me energji për shtetasit dhe ekonomitë tona. Ky nuk është vetëm një vizion i përbashkët, por edhe një angazhim i përbashkët – për të ndërtuar një sistem energjetik të sigurt, modern dhe të qëndrueshëm që do të plotësojë nevojat e qytetarëve dhe ekonomive tona”, tha Bozhinovska.