Britney Spears është ribashkuar me djalin e saj Jaden James Federline pas shumë vitesh larg, thonë burimet ekskluzivisht për Page Six.

“Ata kalojnë shumë kohë së bashku”, ka treguar një burim.

Një burim i dytë tha se 18-vjeçari është “në Kaliforni”, ku jeton nëna e tij, pasi u transferua në Hawaii vitin e kaluar me vëllain e tij, Sean Preston dhe babain e tyre, Kevin Federline.

Është e paqartë nëse Jaden po qëndron me yllin e popit 42-vjeçar në rezidencën e saj në zonën Thousand Oaks, Kaliforni, por sipas burimit Preston, 19 vjeç, është ende duke banuar në Hawaii.

“Britney është e emocionuar që do të rikthejë fëmijën e saj”, komentoi burimi i dytë. “Gjithçka po ecën në drejtimin e duhur.”

Pajtimi i Spears me Jaden vjen gjashtë muaj pasi u publikua lajmi se ajo dhe Preston e thirrën yllin e popit në Ditën e Nënës, gjë që avokati i babait të tyre e quajti një “shenjë të mirë” për marrëdhënien e tyre.

“Natyrisht një pajtim/ribashkim është disi i komplikuar dhe mund të jetë një proces që kërkon ca kohë,” i tha avokati Page Six në qershor, duke shtuar se klienti i tij, i cili ishte i martuar me Spears nga 2004 deri në 2007, “kërkon që djemtë të kenë një marrëdhëniet me nënën e tyre”.

Federline mori Preston, Jaden dhe fëmijët e tij të tjerë në Hawaii në gusht 2023 pasi gruaja e tij, Victoria Prince, mori një punë si trajnere volejbolli në Universitetin e Hawait. Spears ra dakord për zhvendosjen, por nuk i pa djemtë e saj para se të largoheshin, pasi ata nuk kishin folur për më shumë se një vit.

Jaden foli për marrëdhënien me nënën e tij gjatë një interviste të rrallë në shtator 2022.

“Unë 100% besoj se kjo mund të rregullohet. Thjesht do të duhet shumë kohë dhe përpjekje ”, tha ai për ITV të Britanisë. “ Unë vetëm dua që ajo të përmirësohet mendërisht. Kur ajo të bëhet më mirë, unë me të vërtetë dua ta shoh përsëri”.

Jaden zbuloi gjithashtu se ai dhe Preston shprehën kundërshtimin e tyre ndaj fotove të shpeshta nudo të nënës së tyre, duke thënë: “E bën këtë në Instagram për të tërhequr vëmendjen”.

Sa i përket vëllait të tij të madh, Jaden pretendoi se nëna e tyre nuk i dha Preston ” dashuri të barabartë” ose ” vëmendje “, gjë që e bëri atë” të ndihej shumë keq”.

Pavarësisht dramës familjare, Spears ia kushtoi kujtimet e saj, The Woman in Me (2023), djemve të saj, duke i quajtur ata “dashuritë e jetës së saj”.