Grupi i armatosur libanez Hezbollah tha të martën se kishte zgjedhur zëvendëskryetarin Naim Qassem për të pasuar Sekretarin e Përgjithshëm Hassan Nasrallah, i cili u vra në një sulm ajror izraelit në periferinë jugore të Bejrutit më shumë se një muaj më parë.

Grupi tha në një deklaratë me shkrim se Këshilli i tij “Shura” kishte zgjedhur Qassemin, 71 vjeç, në përputhje me mekanizmin e tij të vendosur për zgjedhjen e një sekretari të përgjithshëm, raporton Reuters.

Ai u emërua si zëvendës shef i Hezbollahut në vitin 1991 nga sekretari i përgjithshëm i atëhershëm i grupit të armatosur, Abbas al-Musawi, i cili u vra nga një sulm me helikopter izraelit vitin e ardhshëm.