Pesë persona u gjetën të vdekur brenda një shtëpie të hënën në mëngjes në Fall City, Uashington, pas një incidenti me armë zjarri, thanë zyrtarët.

Dy të rritur dhe tre fëmijë u gjetën të vdekur, ndërsa një i dyshuar 15-vjeçar u mor në paraburgim, pasi policia i përgjigj thirrjeve të 911 për një “shqetësim me armë zjarri” në shtëpi, sipas Zyrës së Sherifit të King County, thonë mediat vendase.

Një tjetër adoleshent i plagosur është dërguar në spital pasi ka marrë ndihmën e parë nga një fqinj.

Mike Mellis, një zëdhënës i Zyrës së Sherifit të King County, tha se ai nuk mund të jepte informacione të mëtejshme për viktimat e mitura, por tha se ishte “e drejtë të thuhej se ata ishin adoleshentë”.

Ka pasur 24 vrasje masive me armë deri tani këtë vit në Shtetet e Bashkuara, sipas gjurmimit nga The Washington Post , i cili përdor termin “vrasje masive” për të përshkruar ngjarjet në të cilat kanë vdekur katër ose më shumë njerëz, duke mos përfshirë autorët.