​​​​​​Zëvendës ministri i bujqësisë, Flakron Bexheti, pati një takim miqësor dhe të përzemërt me Ministren e Bujqësisë së Shqipërisë, Anila Denaj dhe Ministrin e Bujqësisë së Kosovës, Faton Peci. Takimi u zhvillua në një atmosferë të hapur dhe bashkëpunuese, ku tri palët shkëmbyen ide dhe eksperienca mbi përpjekjet e tyre për zhvillimin e sektorit të bujqësisë në rajon. Me një ndjenjë të fortë solidariteti mes vendeve, bisedat u fokusuan te përmirësimi i bashkëpunimit ndërmjet Shqipërisë, Kosovës dhe Maqedonisë së Veriut në mbështetje të fermerëve dhe politikave bujqësore, duke vënë theksin në ndarjen e praktikave të mira dhe mundësitë për projekte të përbashkëta.

Ky takim miqësor shërbeu jo vetëm për të forcuar marrëdhëniet mes kolegëve, por edhe për të ndërtuar ura të reja bashkëpunimi për të ardhmen e sektorit bujqësor në të gjithë rajonin.