Zëvendëskryeministrja, njëherësh ministrja e Infrastrukturës dhe Energjisë, Belinda Balluku, ka uruar ncënësit dhe mësuesit, me rastin e nisjes së vitit të ri shkollor.

Përmes një postimi në rrjetet sociale, Balluku shprehet falenderuese ndaj çdo punonjësi të sistemit arsimor për punën dhe kontributin.

Balluku theksoi se Shqipëria në çdo cep të saj, ka shkolla të reja apo të rikonstruktuara sipas standardeve më të larta.

“Sot, është një ditë e veçantë e me plot emocion për çdo fëmijë e prind dhe në veçanti për ata të cilët ulen për herë të parë në bankat e shkollës. Një falënderim me zemër në ditë si kjo, shkon për çdo punonjës të sistemit arsimor, për punën e palodhur dhe kontributin e çmuar që japin çdo ditë në edukimin e brezave të rinj. Çdo mësues i këtij vendi ka të gjithë mirënjohjen tonë, teksa çdo ditë përpiqemi të bëjmë më të mirën për të garantuar kushte më të mira për arsimimin e fëmijëve tanë. Sot, Shqipëria në çdo cep të saj, ka shkolla të reja apo të rikonstruktuara sipas standardeve më të larta, me klasa , laboratorë e ambiente rekreative, por sot disa nga shkollat anembanë vendit po rinovohen me parimin dhe standardet evropiane të efiçencës energjetike. MIE dhe AEE kanë një plan të plotë për projekte të ngjashme në vazhdim, duke garantuar ambiente mësimore optimale për fëmijët kudo në Shqipëri. Jemi të vetëdijshëm që ka ende shumë për të bërë, ndaj po punojmë çdo ditë e më shumë. Suksese e një vit sa më të mbarë shkollor!”, shkruan Balluku në Facebook./abcnews.al