Nga gjithsej 20 zjarre në ambiente të jashtme, dy janë aktive, tre janë vënë nën kontroll dhe 15 zjarre janë shuar, njoftoi paraditen e sotme Qendra për Menaxhimin e Krizave (QMK), transmeton Portalb.mk.

Zjarre aktive ka në Komunën e Çashkës, afër vendit të quajtur Koteva Krusha, atar i fshatit Omorani, i transferuar në malin Mukos, ku digjet një pyll i përzier dhe në Komunën e Makedonski Brodit, në fshatin Greshnicës, pranë rezervuarëve me ujësjellës fshati, ku digjet edhe një pyll i përzier.

Zjarret janë vënë nën kontroll në komunën e Demir Hisarit, në afërsi të malit Plakenska, mbi fshatin Virovë, në Komunën e Kërçovës, në afërsi të fshatit Cer në drejtim të fshatit Starec dhe në komunën e Ohrit dhe Resnjës. Mali i Galiçicës tym në dy vende, afër Zli Dolit.

15 zjarre janë shuar në komunat Resnjë, Bogovinë, Likovë, Nagoriçan i Vjetër, Kriva Pallankë, Makedonski Brod, dy në Saraj, Çair, Shuto Orizarë, Haraçinë, dy afër Prilepit, Dollneni dhe Bërvenicë.

Për shkak të zjarreve në mes të korrikut, Qeveria e Maqedonisë së Veriut për herë të parë shpalli gjendje krize për 30 ditë, e cila u vazhduar përsëri më 13 gusht dhe kërkoi ndihmë përmes mekanizmit të BE-së në fushën e mbrojtjes civile.

Gjithashtu, është vënë ndalesë e plotë e lëvizjes në pyje dhe toka pyjore në territorin e menaxhuar nga NP “Pyjet Kombëtare”, i cili do të zgjasë deri në ditën e shfuqizimit të tij, në periudhën nga ora 06:00 deri në orën 20:00.