Përsëri tentuan të mashtrojnë, interpretimi autentik nuk i mbyll lojrat e fatit, por rregullon sferën online

Duam të njoftojnë opinionin për mashtrimin e madhe që si çdo ditë, edhe sot tentoi ta bëjë zëvendëskryeministri Izet Mexhiti, duke manipuluar me interpretimin autentik të ligjit për lojrat online. Me këtë interpretim, nuk mbyllen objektet e lojrave të fatit, por vetëm rregullohet një pjesë e lojrave online. Përgjigjen më të saktë dhe të detajuar për këtë mashtrim, e morën nga deputetja Ilire Dauti, gjatë seancën parlamentare të cilën ua përcjellim të plotë për publikim:

Ilire Dauti, deputete e ASH / Fronti Europian

"Është propozim i shumicës jolegjitime parlamentare të cilët kanë propozuar interpretim autentik të ligjit të lojrave të fatit, që është krejt në rregull, është legjitime të kërkojnë interpretim autentik të ndonjë ligji. Por, megjithatë ajo që ju hidhet hij syjve të qytetarëve kohëve të fundit, sa u përket industrisë së lojrave të fatit, unë dua të ju them, jo vetëm jove kolegëve, por edhe të gjithë qytetarëve që është krejtësisht e ndryshme të propozosh interpretim autentik për të interpretuar ndonjë nen të ndonjë ligji, nga të propozosh ligj për të kërku ndërhyrje dhe të propozosh më ndryshe të rregullohet ajo çështje. Ky është dallimi i asaj që ndodhi dje dhe që do të ndodhë edhe në vazhdim. Dua të bëj me dije që në qoftë se ju arrini të mashtroni me dije ose pa dije njëri tjetrin dhe doni të mashtroni edhe opinionin, unë që kam punuar dhe ne që kemi punuar me kohë për këtë çështje dhe që jemi të preokupuar për efektet negative që i bart shoqëria jonë nga lojrat e fatit të cilat i kemi në prag të dyerve të shtëpive, të shkollave dhe çdo institucioni tjetër, unë dua t'ju them që janë çështje të ndara, mos i ngatëromi dhe mos mashtroni qytetarët. Propozimim që keni bërë ju për interpretim autentik të ligjit për lojrat e fatit është krejtësisht tjetër nga propozimi i imi dhe i Frontit Europian që e bëmë dhe që dje ju e larguat kundër çdo rregulle demokratike dhe shkelët rregulloren dje dhe ligjit të cilin edhe në mandatin e kaluar e kemi propozuar si deputetë të Aleancës për Shqiptarët, pra është i njëjti ligj. Mua më vjen keq që deputetët e VLENit nuk i janë bashkangjitur në mënyrë elektronike, andaj i ftoj deputetët, unë do të gjej mënyra tjera për ta vënë përsëri në procedurë parlamentare ligjin për lojrat e fatit, sepse propozimi juaj për interpretim autentik, po ua potencoj edhe një herë është vetëm hudhje hyj syjve të qytetarëve për të mos parë të vërtetën. Ajo që ju kërkoni është vetëm sqarim se si është e rregulluar çështja e lojrave online dhe nga sqarimi që kemi dëgjuar nga deputetët ditëve që kaluan keni thënë që nuk qenka ligji ai i cili e rregullonka veprimtarinë e lojrave të fatit online. E keni të qartë pra, mos mashtroni opinionin se sado interpretime të kërkoni ajo nuk nënkupton se nuk do ti kemi lojrat e fatit".