Neuralink ka implantuar me sukses pajisjen e saj në një pacient të dytë, duke synuar t’u mundësojë individëve të paralizuar të kontrollojnë pajisjet digjitale vetëm përmes mendimit, sipas Elon Musk.

Neuralink po teston pajisjen e saj për të ndihmuar njerëzit me lëndime të shtyllës kurrizore. Pacienti i parë me implant ka qenë në gjendje të luajë video lojëra, të shfletojë internetin, të postojë në rrjetet sociale dhe të lëvizë kursorin në laptopin e tij.

Musk e zbuloi këtë në një podcast së fundmi, duke thënë se pjesëmarrësi i dytë kishte një dëmtim të shtyllës kurrizore të ngjashme me pacientin e parë, i cili ishte i paralizuar në një aksident zhytjeje. Musk tha se 400 elektroda janë aktive në trurin e pacientit të dytë, ndërsa i njëjti implant ka 1024 elektroda.

Megjithatë, pyetjes se sa ishte jetëgjatësia e baterisë me implantin e dytë dhe ai me humor u përgjigj: “Nuk dua ta bëj ters, por duket se ka shkuar jashtëzakonisht mirë me implantin e dytë”-i tha Musk Fridman. “Po funksionon shumë mirë.”

Musk nuk tregoi se kur pacienti i dytë do t’i nënshtrohet operacionit. Ai tha se kanë synuar që këtë vit ta përdorin pajisjen edhe te tetë pacientë të tjerë.

Noland Arbaugh, pacienti i parë që mori implantin Neurlink, u intervistua gjithashtu në podcast, së bashku me tre drejtues të Neuralink, të cilët dhanë detaje se si funksionon implanti dhe operacioni i drejtuar nga roboti.

Arbaugh tha se me implantin ai tani thjesht mund të mendojë për atë që dëshiron të ndodhë në ekranin e kompjuterit dhe pajisja e bën atë të ndodhë. Ai tha se pajisja i ka dhënë atij një sasi të vogël pavarësie dhe ka reduktuar mbështetjen e tij tek kujdestarët.