Pas mos vazhdimit të kontratës menaxheriale Ardita Danit nga ana e Këshillit  Drejtues të NP STUDENÇICA në Kërçovë,  nëpërmjet një postimi në Facebook ka reaguar edhe Ardita Dani:

Postimi I plot në Facebook:

 Të nderuar qytetarë, shumë të respektuar bashkëpuntorë e bashkëpartiakë ,

Më lejoni që t'ju njoftoj se dje më: 30.07.2024 me vendim të Këshillit Drejtues të Ndërmarrjes publike për furnizim me ujë "Studençica" jam shkarkuar nga pozita e drejtorit të kësaj ndërmarrje.

Në vitin 2021 kur për herë të parë u emrova në krye të këtij institucioni, e gjeta në humbje dhe sot këtë ndërmarrje po e lë me rezultat pozitiv financiar.

Në këtë ndërmarrje gjuha shqipe zbatohej shumë pak, ndërsa sot e lejë ndërmarrjen me zbatim të plotë të gjuhës shqipe.

Të punësuar shqiptarë në këtë institucion ishin vetëm 9 , por për vetëm 3 vite menaxhim me kétë institucion arritëm të punësojmë edhe 11 shqiptarë me vendim pune dhe sot numri i shqiptarëve në këtë institucion ka arrit 20.

Në planin për punësim për vitin 2023 janë paraparë edhe avancime të të punësuarve shqiptar.

Gjithashtu ndërmarrjen e lejë me një projekt për ndërtimin e gypit paralel që do ta zgjidhte një herë e përgjithmonë problemin e furnizimit me ujë të pijshëm, që paraqitet muajt e verës në fshatrat e ish Komunës së Osllomesë, projekt i cili është afër marrjes së lejes për ndërtim.

I gjith ky sukses vjen si rezultat i mbështetjes tuaj të fortë ndaj subjektit tonë Bashkimit Demokratik për Integrim, andaj ju falenderoj nga zemra për mbështetjen e vazhdueshme dhe bashkëpunimin.

Angazhimin tim do ta vazhdoj duke u fokusuar në detyrën e kryetares së degës së BDI- së, me përkushtimin maksimal, ashtu si deri më tani, në realizimin e vizionit të liderit tonë z.Ali Ahmeti! ka shkruar Ardita Dani