Momente terrori në orët e vona të mbrëmjes në Scampia të Italisë.

Sipas mediave të huaja, shembja e një “ballkoni” në Vela Celeste, një vendbanim i njohur, shkaktoi dy vdekje dhe shtatë të lënduar.

Shembja, e cila ndodhi në katin e tretë, “përfshiu” edhe trotuaret në katin e dytë dhe të parë.

Zjarrfikësit, pasi kanë gërmuar në rrënoja, kanë përfunduar evakuimin e kateve të sipërme, ndërkohë që po kryhen kontrollet e stabilitetit në pjesën e prekur të ndërtesës.

Ndërkohë policia ka nisur hetimet për ngjarjen.

Nuk përjashtohet asnjë hipotezë, por më e përafërta vlerësohet të jetë se është ajo e një defekti strukturor.

Menjëherë pas shembjes, e cila ndodhi rreth orës 23:00, shumë njerëz dolën në rrugë nga frika e shembjeve të reja.

Mjete të shumta të shpëtimit kishin mbërritur në vendngjarje me disa autoambulanca që kanë transportuar të lënduarit në spital.