Presidenti rus Vladimir Putin dhe ai i Koresë së Veriut Kim Jong-un kanë nënshkruar një pakt gjithëpërfshirës të partneritetit strategjik, shkruan The Guardian.

Putin dhe Kim përfunduan bisedimet kokë më kokë që zgjatën rreth dy orë, njoftuan agjencitë ruse të lajmeve.

Tass raportoi se dokumenti do t’i zëvendësojë traktatet e viteve 1961 dhe 2000-2001. Ndihmësi i presidentit rus, Yuri Ushakov tha se kjo ishte për shkak të “evoluimit të thellë të situatës gjeopolitike në botë dhe rajon”.

Ushakov tha se dokumenti i ri përputhet me të gjitha parimet themelore të së drejtës ndërkombëtare dhe nuk është i ndonjë natyre konfrontuese. Ai tha se nuk do të drejtohet kundër ndonjë shteti individual, por synon të sigurojë stabilitet më të madh në rajonin e Azisë verilindore.