Anësori nga Kosova, Mentor Mazrekaj konfirmoi largimin nga kampioni i Maqedonisë së Veriut, Struga Trim Lum. Mazrekaj, përmes një postimi në Facebook konfirmoi largimin e tij.

“Ju njoftoj që nga sot që nuk jam më pjesë e Struga Trim Lum. Dua të falënderoj kryesinë e klubit bashkë me prof. Shpetim Duro që më dhanë mundësinë të jem pjesë e tyre. Ky vit me Strugën ishte historik ku filloi që me kupat e Evropës dhe arritëm deri në play off dhe e kurorëzuam me titullin kampion ne kampionat. Falenderime per te gjithë lojtarët, stafin dhe tifozët.” Ka skruar Mazrekaj në rrjetet sociale.

Mazrekaj, iu bashkua kampionit të Maqedonisë së Veriut verën e kaluar nga Laçi ku bëri 26 paraqitje dhe shënoi dy gola. Anësori, arriti me skuadrën e tij playoffin në Ligën e Konferencës duke u eliminuar nga skuadra islandeze Breidablik, si dhe u shpall kampion i Maqedonisë së Veriut këtë sezon./IndeksOnline/