Negociatat në Kajro të Egjiptit midis Izraelit dhe Hamasit për të arritur një armëpushim dhe marrëveshje për pengjet arritën "përparim të rëndësishëm" dhe konsensus për shumë pika të diskutueshme, njoftoi  gazeta shtetërore egjiptiane Al Qahera Neës, duke cituar një zyrtar të lartë egjiptian.

Zyrtari konfirmoi "vazhdimin e përpjekjeve për të arritur një marrëveshje armëpushimi" në Gaza, sipas medias shtetërore.

"Raundi i negociatave në Kajro është dëshmitar i përparimit të madh në afrimin e këndvështrimeve," citoi Al Qahera, burimin, duke shtuar se kishte pasur një marrëveshje për "boshtet e diskutimit midis të gjitha palëve".

Burimi tha se delegacionet e Katarit dhe Hamasit do të ikin nga Kajro dhe do të kthehen brenda dy ditësh për të rënë dakord për kushtet përfundimtare të marrëveshjes.

Delegacionet amerikane dhe izraelite do të largohen brenda disa orësh, megjithëse konsultimet do të vazhdojnë gjatë 48 orëve të ardhshme, tha burimi për Al Qahera.

Kërkesat e Hamasit

Hamasi tha të dielën se do të dëshironte të shihte një "ndërprerje të plotë të agresionit". Grupi përsëriti gjithashtu kërkesat e tij, duke përfshirë një tërheqje të trupave izraelite nga Gaza, kthimin e palestinezëve të zhvendosur në shtëpitë e tyre, rindërtimin në Gaza nga ushtria izraelite dhe një "përfundim të një marrëveshjeje të shkëmbimit të të burgosurve" që përfshin një lirim të ndërsjellë të të burgosurve palestinezë në këmbim të pengjeve izraelitë të mbajtur në Gaza.

Izraeli i ka quajtur vazhdimisht kërkesat e Hamasit si "delirante".