U publikuan video të katër personave të akuzuar nga Rusia për kryerjen e masakrës në sallën e koncerteve në Moskë. Pamjet tregojnë qartë se ata ishin torturuar

Moskë, 25 Mars 2024 /noa.al- Ata u filmuan teksa u sollën para një gjykate në Moskë të dielën, me tre prek tyre ende në gjendje të qëndronin në këmbë, ndërsa i katërti u pa në një karrige me rrota. Të gjithë akuzohen për terrorizëm.

Kujtojmë se përgjegjësinë për sulmin në Sallën e qytetit Crocus e mori Shteti Islamik, i cili publikoi video shqetësuese nga brenda sallës në rrjetet sociale, pamje që tregojnë se terroristët qëllojnë civilët.

Autoritetet ruse kanë identifikuar katër sulmuesit si Dalerjon Mirzoyev, Saidakrayim Murodali Rachabalizoda, Shamsidin Fariduni dhe Muhamedsobir Fajzov.

Në videot që shihni më poshtë, ata shihen duke u sjellë nga policë në Gjykatën e Qarkut Basmani në kryeqytetin rus.

Me sa duket, janë rrahur dhe torturuar nga forcat ruse të sigurisë. Në rrjetet sociale kanë rrjedhur pamje shqetësuese, të cilat, sipas BBC, mesa duket janë publikuar nga forcat e sigurisë.

Pamjet tregojnë një marrje brutale në pyetje. BBC thekson se disa video sugjerojnë se të paktën një nga sulmuesit pësoi një goditje elektrike.

Burrat e identifikuar nga gjykata si Mirzojeva dhe Racabalizodu kishin shenja të nxirash në fytyrat e tyre dhe Racabalizodu kishte një fashë mbi kokë, në zonën e veshit. Spekulohet se ky është sulmuesi të cilit rusët i kanë prerë veshin gjatë marrjes në pyetje.

Përveç kësaj, Mirzojev kishte të mbështjellë në qafë një qese plastike të grisur, gjë që sugjeron torturë me mbytje, por edhe dëshirën e autoriteteve ruse për t’i treguar publikut se kanë torturuar sulmuesit që kryen sulmin vdekjeprurës në sallën e koncerteve.

Fytyra e burrit të identifikuar si Fariduni ishte enjtur keq dhe tjetri, i quajtur Faizov, i cili u soll në gjykatë në një karrige me rrota i veshur me një rrobe spitali, u pa teksa po humbiste vetëdijen. Atij duket se i mungonte një sy, sipas agjencisë së lajmeve Reuters.

Në njoftimin e gjykatës thuhet se Mirzojev “e ka pranuar plotësisht fajin”, ndërsa edhe Rachabalizoda thuhet se “e ka pranuar fajin”. Burrat u identifikuan si shtetas të Taxhikistanit, njoftoi agjencia shtetërore ruse e lajmeve Tass.

Të katër do të mbahen në paraburgim të paktën deri më 22 maj, shtoi gjykata. /noa.al