Realizohet udhëtimi i parë në botë i një treni me tërheqje magnetike. Prova, që ka rezultuar e suksesshme, është bërë në infrastrukturën ekzistuese, në një udhëtim që ka zgjatur 2 km, me peshë të mjetit prej një tonelatë dhe duke konsumuar vetëm një kilowatt. Teknologjia e përdorur quhet Ironlev, me tërheqje magnetike, pa fërkim dhe pa zhurmë, e mbi të gjitha mund të aplikohet në hekurudhat aktuale, por jo vetëm.

Në të gjitha infrastrukturat ekzistuese, pa qenë e nevojshme që të zëvendësohen e të ndërtohen të reja të posaçme, duke ulur kostot dhe që ushqehet me energji, e ku përfshihen mjete transporti të tjera si metro, trena me shpejtësi të lartë, e deri tek Hyperloop. Shpejtësia që mund të arrijnë mjetet është deri në 200 km/orë, ndërsa në testin e parë që u zhvillua në një ndër hekurudhat me antike të Italisë, segmenti Adria-Mestre, treni udhëtoi me 70 km/orë.