Është publikuar një raport për pesë aplikacione keqdashëse që janë mjaft të njohura në vendet evropiane.

Këto aplikacione u shkarkuan qindra mijëra herë dhe përmbanin trojanin bankar “Anatsa”. Ato janë zbuluar nga kompania “ThreatFabric”, e cila ka treguar edhe për “Bleeping Computer” se për cilat aplikacione bëhet fjalë.

Në shënjestër janë kryesisht përdoruesit në Britaninë e Madhe, Republikën Çeke, Gjermani, Sllovaki, Slloveni dhe Spanjë. Në fillim u vunë në shënjestër vetëm përdoruesit e Samsung, por më vonë u vunë në shënjestër edhe të tjerët.

Këto janë aplikacionet e mëposhtme:

1. Phone Cleaner – File Explorer

2. PDF Viewer – File Explorer

3. PDF Reader – Viewer & Editor

4. Phone Cleaner: File Explorer

5. PDF Reader: File Manager

Aplikacionet e rreme ishin maskuar si leximi i skedarëve PDF ose pastrimi i telefonit dhe ishin krijuar për të arritur në top listën e programeve të reja falas, gjë që rriti shanset e tyre për të arritur më shumë përdorues.

Ata besohet se janë shkarkuar midis 150,000 dhe 200,000 herë përpara se të hiqen nga Play Store dhe kanë përdorur një proces me shumë hapa për të “infektuar” pajisjet pa ndërveprim të përdoruesit. Nëse i keni, fshijini nga telefoni juaj.