Përleshjet fizike shpërthyen në parlamentin e Maldives, mes deputetëve të qeverisë dhe opozitës lidhur me miratimin e ministrave të rinj.
Kaosi shpërtheu pasi Partia Demokratike e Maldives (MDP) e opozitës vendosi t’u mohojë miratimin parlamentar katër anëtarëve të kabinetit të presidentit të zgjedhur Mohamed Muicu, përpara votimit.
Në videon e publikuar më poshtë shihet se si deputetët shtyhen dhe i tërheqin këmbët njëri-tjetrit.
Anëtarët e Kongresit Kombëtar Popullor në pushtet (PNC) dhe Partisë Progresive të Maldiveve (PPM) iu përgjigjën situatës duke organizuar një protestë, duke ndërprerë seancën parlamentare.
Edhe pse partia e koalicionit qeverisës formoi qeverinë, ata nuk kanë shumicën në parlament, i cili mbetet nën kontrollin e MDP-së së ish-presidentit Ibrahim Mohamed Solih.
Videot nga Parlamenti tregojnë se deputeti i Kandithema, Abdul Shahim Abdul Hakim dhe deputeti i Kendikulhudho, Ahmed Easa duke u përleshur pasi Easa rrëzohet për tokë nga Hakimi.
Hakimi pësoi lëndime në kokë kur dy deputetë ranë pranë sallës gjatë një përleshjeje fizike, dhe më pas u dërgua në një spital për trajtim.
