Zyrtarja e Parlamentit Evropian, Federica Woelk, është e pakënaqur me qasjen e ndërmjetësuesve në dialogun Kosovë-Serbi.
Sipas saj, teksa kalojnë ditët, vërehet se ata përpiqen që të përfshijnë pika, të cilat janë në favorin e Serbisë.
“Kur Kosova kërkon përfshirjen e çështjes së krimeve të luftës në kornizën e dialogut, përgjigja është jo.
Kjo qasje me standard të dyfishtë është problem”, shkruan ajo në X.
“Kjo nuk është sikur qëndrimet tjera të politikës së jashtme të BE-së.
Paragjykimi në këtë rast është konkret dhe i qartë, ndërmjetësuesit janë totalisht të anshëm kah Serbia dhe kështu nuk ka një mundësi të vërtetë për dialog”.
Ekspertja për Ballkanin në PE, thekson se politika evropiane ndaj Kosovës është thellësisht e padrejtë dhe absolutisht e pabazuar në ndonjë fakt.
“Kjo mund të shihet veçanërisht nga vendimi për të ndërhyrë kundër Kushtetutës së Kosovës për dinarin”.
Këto komente Woelk i ka bërë në ditën kur në Prishtinë është duke qëndruar i dërguari evropian për dialogun, Miroslav Lajçak.