Kosova do të përfaqësohet me dy skitarë në Lojërat Olimpike Dimërore “Gangëon 2024” ka njoftuar të martën Komiteti Olimpik i Kosovës. Lojërat Olimpike Dimërore do të mbahen prej 19 janarit deri më 1 shkurt në qytetin Gangëon të Koresë së Jugut.

Lirika Deva dhe Klos Vokshi, do të garojnë në disiplinat e skijimit aplin, sllallom dhe sllallom të madh, ndërsa të dy janë të kualifikuar me normë olimpike.

Krahas skitarëve, me ekipin olimpik të Kosovës, do të udhëtojnë edhe trajnerët Kushtrim Deva e Ernest Sefaj, ndërsa shef i misionit do të jetë Bujar Turjaka.

Në këtë ngjarje do të marrin pjesë 1900 sportistë të moshës 15-18 vjeç, ndërsa Kosova është një prej 79 vendeve pjesëmarrëse. Ky është edicioni i katërt i Lojërave Dimërore për të rinj, ndërsa për Kosovën është paraqitja e dytë pas debutimit në vitin 2020.