Bota u trondit nga një ngjarje tragjike e ndodhur pranë një ishulli të vogël në Karaibe, ku aktori hollivudian Christian Klepser, 51 vjeç, i njohur me emrin artistik Christian Oliver, humbi jeten së bashku me dy vajzat e tij të vogla 10 dhe 12 vjeç.

Avioni privat me të cilin po fluturonin, ra në oqean. Bashkë me ta vdiq edhe piloti, Robert Sachs.

Oliver kishte interpretuar ne filma si "Speed Racer," "The Good German" dhe "Valkyrie", e kishte dhe nje rol në filmin e fundit te Indiana Jones.

Ngjarje e rende ndodhi në ujërat e Bequia, pjesë e St. Vincent në Karaibe. Shkaqet e rënies së avionit të vogël janë ende të paqarta, ndërsa pranë tij menjëherë shkuan peshkatarët që ishin në zonë, por pa mundur t’u vijnë në ndihmë.

Mediat e huaja thone se piloti komunikoi me kullën menjëherë pas ngritjes nga aeroporti duke thënë se kishte probleme me mjetin, por nuk specifikoi se cfare nuk shkonte saktesisht, ndërsa më pas avioni u zhyt në ujë, duke i marrë jetën 4 personave ne bord.