Lajm i përditësuar 

10 kushtet që Gjykata e Hagës i ka vendor Nasim Haradinajt

Pas lirimit të Nasim Haradinajt Gjykata e Hagës ka vendosur 10 kushte për të.

Një ndër kushtet që Haradinaj duhet ta respektoj është qëndrimi i tij në Kosovë si dhe të informojë Administratoren në rast se dëshiron të udhëtojë jashtë Kosovës dhe kërkesa për leje për udhëtim të miratohet nga Kryetarja.

Këto janë kushtet që i janë vendosur Haradinajt:

Garancia se do të banojë tërë kohën në adresën e shtëpisë, shënuar në Parashtrimet e Haradinajt

Të informojë Administratoren dhe stacionin e policisë të identifikuar nga Administratorja për ndërrimin e vendbanimit të përhershëm, në varësi të miratimit nga Kryetarja

Të paraqitet çdo javë në stacionin e policisë të identifikuar nga Administratorja

Administratores t’i dorëzohet pasaporta ose dokumentet e udhëtimit të z. Haradinaj

Të qëndrojë në Kosovë dhe të informojë Administratoren në rast se dëshiron të udhëtojë jashtë Kosovës dhe kërkesa për leje për udhëtim të miratohet nga Kryetarja

Të mos kontaktojë, as të komunikojë me dëshmitarë ose viktima (të mundshme) para Dhomave të Specializuara dhe ZPS

Të mos japë deklarata publike drejtpërdrejt ose tërthorazi (vetë ose përmes të tjerëve) lidhur me Dhomat e Specializuara dhe ZPS në

Të kërkojë leje dhe miratim nga Administratorja për intervista ose çfarëdo kontakti tjetër me median, sikurse përcaktohet në Udhëzuesin e Punës për të Paraburgosurit (Komunikimet me Mediat)

Të përmbushë vendimet ose urdhrat e Dhomave të Specializuara; dhe

Të mos bëjë komente negative, të dhunshme, frikësuese, kërcënuese ose shtrënguese ndaj ose rreth dëshmitarëve (të mundshëm) ose personave të tjerë që janë të rrezikuar për shkak të bashkëpunimit të tyre me Dhomat e Specializuara, dhe ndaj ose rreth zyrtarëve të Dhomave të Specializuara ose të ZPS së.

Vendimin e plotë mund ta gjeni në këtë link

Lirohet Nasim Haradinaj

Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës, Faton Klinaku, ka bërë të ditur se është liruar ish-nënkryetari i OVL-UÇK-së, Nasim Haradinaj.

“Pas një hidhërimi në rastin e Calit, vjen një lajm gëzimi. Sapo mbërriu në Gjakovë shoku Nasim Haradinaj” ka shkruar Klinaku në Facebook.

Haradinaj është liruar me vendim të të presidentes së Dhomave të Specializuara, Katarina Trendafilova.