Të paktën gjashtë persona që përpiqeshin të migronin nga Afrika në Evropë, vdiqën dhe rreth 30 u zhdukën në Detin Mesdhe pasi varka e tyre u mbyt në brigjet e Tunizisë, raporton agjencia zyrtare e lajmeve të Tunizisë.

Forcat detare gjetën trupat e pajetë ndërsa shpëtuan 34 persona dhe po kërkojnë personat e listuar si të zhdukur, citoi agjencia e lajmeve TAP të thoshte Ministria e Mbrojtjes. Varka ishte larguar nga Libia fqinje dhe u përmbyt 44 kilometra larg qytetit tunizian të Zarzis.

Kjo është fundosja e fundit e disa varkave me emigrantë në rajon. Rruga qendrore e Mesdheut, e cila shkon nga Afrika e Veriut në Italinë Jugore, është rruga më e ngarkuar dhe më vdekjeprurëse e migrimit për në Evropë. Njerëzit udhëtojnë nga Libia dhe Tunizia me varka të mbushura me njerëz dhe në mëshirën e kontrabandistëve paguajnë për t’i kaluar përtej detit